Lanas : 100 comunas hòra-TAFTA

, par ALCS

Même en Occitan !!!
hòra-TAFTA


Aquesta dimenjada a Monhòrt en Shalòssa, lo collectiu Stop TAFTA/CETA 40 qu'organiza ua matinada de reflexion e de hèsta tà celebrar la centau comuna se declarant hòra lo tractat transatlantic. 

Au començament, aqueth tipe d'accion que podèva semblar simbolic. Ua deliberacion o ua mocion entà plaçà's hòra deu Tractat Transatlantic enter Euròpa e Estats-Units que's pòt har viste pendent las questions divèrsas dens un òrdi deu dia. Totun, dab l'amplor qu'a pres, que tien mei adara d'un engatjament deus hòrts.

Philippe Vintejoux, membre deu collectiu TAFTA/CETA 40, n'a pas jamei vist resultats atau en 40 ans de militantisme. Se abans los elegits qu'èran reticents, la lor actitud qu'a plan cambiat.  « Adara que son los elegits qui'ns sollicitan, çò ns'a dit, n'èm pas mei recebuts com abans ! » Au totau, au cap d'un an, que son 817 collectivitats exagonaus qui's son declaradas hòra-TAFTA o alavetz en « vigilància ». Aute signe de succès : la venta de petits panèus « comuna hòra-TAFTA », fabricats per un artesan lanusquet e qu'avetz dilhèu apercebuts en dintrar dens ua d'aqueras comunas. Uei lo dia, que's venón 300 panèus.  

La matinada que començarà a 10 h per ua conferéncia de Frédéric Viale, doctor en dret e especialista deus tractats internacionaus. Elegits lanusquets que prenenràn la paraula en seguida puish que i averà escambis dab los participants, un aperitiu-concèrt e un repaish. Segon las estimacions deus organizators, que seràn 150 a 200 personas qui vieneràn tà Monhòrt. 

Se lo TAFTA e sembla enterrat, lo son equivalent « canadian » ( lo CETA) qu'ei tostemps d'actualitat. Peu moment, maugrat las pressions de la Comission europèa, la petita region de Valonia que blòca lo tractat... Aquò tomba mau quan l'Union europèa e lo Canadà e deven signar lo CETA dens ua setmana a Brussèlas. Los opausants au CETA qui s'acamparàn a Monhòrt dissabte qu'averàn dilhèu ua causa mei a hestejar.

Clamenç Pech 

Inf. : que trobaratz infomacions mei en seguir aqueth ligam.


Écrit par La Setmana le jeudi octobre 20, 2016
Category:
news - Tags: Poltica, TAFTA, CETA, Lanas

- Navèra-Aquitània : que hèn la colpa suus manlèus toxics de Peitau-Charenta »

Haut du formulaire

Bas du formulaire

A propos

La Setmana (la semaine, en occitan) est un hebdomadaire entièrement en langue occitane édité par la société Vistedit depuis 1995.

La Setmana qu'ei un setmanèr sancerament en lenga occitana editat per la societat Vistedit despuish 1995. La societat que publica tanben Plumalhon e Papagai.

Plumalhon que s'adreça aus petits a partir de 8 dinc a 12 ans. Lo vòste pichon que poderà legir istòrias, contes, bendas d'imatges, har jòcs, etc… .
Papagai qu'ei lo petit hrair de Plumalhon, que s'adreça meilèu aus pichons de 4 a 8 ans.